Die hoofkompleks bestaan uit vier blokke van vier tot vyf verdiepings met hysbakke. 174 Gerieflike enkel- en dubbel woonstelle verskaf verblyf aan  selfversorgende inwoners.Wooneenhede is toegerus met volvloermatte, ingeboude kaste, ‘n volledige badkamer, teekombuis en ‘n interkom verbind met die sorgeenheid, asook voldoende krag- en koppelpunte vir TV en telefoon. Inwoners meubileer self die wooneenhede. Motorafdakke is teen ‘n redelike huur beskikbaar. ‘n Absa-agentskap, haarkapper, snoepwinkel , biblioteek en ‘n saal vir geestelike en ander byeenkomste is beskikbaar. Herfsmed Kliniek, wat deur mediese fondse erken word, voorsien na-operatiewe en ander sorg.